Eitt prosent av rakstrinum skal brúkast til heilsugransking

Miðast skal ímóti, at Sjúkrahúsverkið í 2030 skal nýta eitt prosent av øllum rakstrinum til heilsugransking.

Fyrstu trý árini verða settar 1,8 milliónir krónur av til heilsugransking árliga, og næstu fýra árini ein millión krónur um árið.

Hetta eru millum tilmælini hjá arbeiðsbólkinum, sum í gjár handaði landsstýriskvinnuni í heilsumálum álit um universitetssjúkrahús í Føroyum.

Arbeiðsbólkur og universitetssjúkrahús

Arbeiðsbólkurin, sum hevur gjørt tilmælini um universitetssjúkrahús í Føroyum. 

Mælt verður samstundis til, at Sjúkrahúsverkið í 2030 skal nýta eitt prosent av samlaða rakstrinum í Sjúkrahúsverkinum til undirvísing og útbúgving.

Tey 20 tilmælini, sum arbeiðsbólkurin er komin til, eru bólkað í tilmæli um løgfrøðiligar avbjóðingar, hvussu Sjúkrahúsverkið kann fyrireikast til universitetssjúkrahús, um avtalu millum Sjúkrahúsverkið og Fróðskaparsetrið, og um fíggjarligar metingar.

Í arbeiðsbólkinum hava verið Steinar Eirikstoft, Tummas í Garði og Gunnbjørg Guttesen fyri Sjúkrahúsverkið, Magni Mohr og May-Britt Skoradal fyri Fróðskaparsetrið og Birita Ludvíksdóttir, sum umboðaði Heilsumálaráðið.

Les álitið her.