25 bilførarar í Suðuroynni fingu sekt

130 bilar vóru steðgaðir í ferðslukanningum í Suðuroynni í gjár, 50 á Tvøroyri og 80 í Vági.

25 bilførarar fingu sekt í Vági og níggju á Tvøroyri.

Tey flestu fingu sekt fyri ikki at hava ljósini í lagi, fimm á Tvøroyri og 13 í Vági.

Annars vóru bøtur latnar fyri slitin dekk, fyri ikki at hava koyrikortið upp á sær, fyri ikki at brúka trygdarbelti og at brúka telefon.

Ein bilførari fekk 1.500 kr. í bót og eitt klipp í koyrikortið, tí barn, sum er styttri enn 135 sentimetrar, ikki sat á pútu.

Tá fólk eru so lítil, ger trygdarbeltið ikki ta nyttu, sum tað eigur.

Børnini, sum eru styttri enn 135 sentimetrar, eiga tí at sita á til dømis einari pútu, so tey sita 10 til 15 sentimetrar hægri og koma upp hagar, sum trygdarbeltið ger sína nyttu.