Hondbóltskvinnurnar í Kringvarpinum

Í oktober fer føroyska hondbóltslandsliðið við kvinnum undir EM-undankappingina við dystum ímóti grannalondunum Svøríki og Íslandi.

Fyrsti dysturin er á útivølli ímóti Svøríki 12. oktober, og tríggjar dagar seinni taka Føroyar ímóti Íslandi í høllini á Hálsi.

Triðja landið í bólkinum hjá Føroyum er Luksemburg, og dystirnir ímóti Beneluxlandinum verða í februar og mars næsta ár, áðrenn Svøríki og Ísland aftur eru á skránni fyrst í apríl.

Kringvarpið vísir allar EM-undankappingardystirnar hjá hondbóltskvinnunum.