Samgongan kúrr um uppboðssølu

Tað er løgið, at einki hoyrist um uppboðssølu av veiðirættindum, tíansheldur at nakað stendur í samgonguskjalinum um, at arbeitt eigur at verða fyri eini uppboðssølu.

Tað heldur Eirikur Lindenskov, blaðstjóri og politiskur viðmerkjari, um tilmælið hjá Hansi Ellefsen, búskaparfrøðingi, um at selja øll veiðirættindi á uppboðssølu.

Eirikur Lindenskov vísir á, verandi samgonguflokkar arbeiddu nógv við uppboðssølu av veiðurættindum, seinast teir sótu í samgongu.

Hoyr innslag í útvarpstíðindunum: 

Høgni Hoydal, landsstýrismaður, sigur, at hann umsitur ikki fiskivinnumál nú, og vil tí ikki viðmerkja málið, men vísir til Dennis Holm, sum hevur málsøkið. 

Tað hevur ikki eydnast at fáa nakra viðmerking frá Dennisi Holm, landsstýrismanni.