Taka gongugjald niðan á Slættaratind

Hagastýrið í Suðurhelt, har Slættaratindur er, hevur roynt at fingið fígging at gera móttøkuhús og nýggja gøtu niðan á Føroya hægsta tind.

Men tað er ikki eydnast, og tí sigur hagastýrið, at næsta ár verður neyðugt at taka gongugjald frá ferðafólki.

Talgild skráseting

Visit Faroe Islands arbeiðir við ætlan um at skráseta, hvar ferðafólk vitja í Føroyum. Tað verður gjørt við talgildari skráseting.

Gongutúrurin eftir bygdargøtuni millum Havnina og Kirkjubø er eitt av best umtóktu ferðavinnumálunum í landinum. Tað vísa teljarar, sum Visit Faroe Islands hevur sett upp á fýra støðum kring landið.

Í tveir ein hálvan mánað í summar gingu gott 7.000 fólk eftir nevndu bygdargøtu meðan 5.600 gingu niðan á Slættaratind.

Ætlanin hjá Visit Faroe Islands við nýggju skrásetingini er at fáa neyv hagtøl.