Útlánini hjá peningastovnunum eru 18,4 milliardir

Vøksturin í útlánunum hjá føroysku bankunum var 9,5 prosent í august, roknað sum eitt tríggjar mánaða miðaltal samanborið við sama tíðarskeið í fjør. 

Tá útlánini hjá donsku peninga- og realkredittstovnunum verða løgd aftrat útlánunum hjá føroysku peningastovunum, er vøksturin 5,7 prosent.

Útlánini hjá føroysku peningastovunumum vóru 18,4 milliardir í august, skrivar Landsbankin.

Tey vóru 16,8 milliardir í august í fjør.

Útlánini hjá donskum peninga- og realkredittstovnum eru minkað góðar 400 milliónir.

Íslendskir bankar eru eisini á føroyska marknaðinum.

Teirra útlán til vinnuna í Føroyum var ein milliard í juli 2023.