Virkin oktober 2023: Barnalund vitjar Vesturstovu

Á hvørjum ári skipar Fólkaheilsustýrið fyri kalendaranum "Virkin oktober", sum hvønn dag hevur eitt boð uppá hvussu fólk kunnu vera virkin kropsliga, sálarliga, sosialt og andaliga. Nakað sum sambært gransking betrar og varðveitir sálarligu heilsuna. Í gjár legði kalendarin upp til at vitja tey gomlu. Og dagstovnurin Barnalund í Fuglafirði lá ikki á boðunum. Tey fóru at vitja eldraheimið Vesturstovu.