Nú inflatiónin hevur gjørt tað truplari hjá nógvum føroyingum at fáa pengarnar at røkka til tað, teimum tørvar, rópa handilsrekandi varskó, tí stuldur er vorðin alt meira vanligur í nógvum handlum.

- Lat meg gera greitt beinan vegin, at vit tosa um ein sera lítlan part av teimum, sum búgva her á landi, sigur Bergur D. Jensen, formaður í Handilsvinnufelagnum, ið er felagið hjá teimum, ið reka handil í Føroyum.

- Flestu føroyingar eru hampafólk, ið hvørki eru betri ella verri enn fólkini í grannalondum okkara, tá tað snýr seg um stuldur.

Hóast hetta, so trupulleikin vaksandi, men ofta er trupult hjá vinnurekandi at taka støðu til, hvat skal gerast.

- Sjálvur trúgvi eg mest upp á fyribyrgjandi arbeiði og kunning, soleiðis at vit sleppa trupulleikanum til lívs, áðrenn hann verður veruleiki, sigur Bergur og bjóðar til fundar um júst hetta evni.

Meira kann lesast um Handilsvinnufelagið og um fundin um stuldur á heimasíðuni industry.fo