Fíggjarmálaráðið vil hava sjúkrarøktarfrøðingar í gerðarrættin

Fíggjarmálaráðið góðtekur ikki, at Felagið føroyskir sjúkrarøktarfrøðingar hevur lýst arbeiðssteðg fyri allar sjúkrarøktarfrøðingar á sáttmálaøkinum hjá Fíggjarmálaráðnum uttan fráboðanarfreist, og Fíggjarmálaráðið fer at leggja málið fyri Fasta gerðarrættin sum skundmál.

Fíggjarmálaráðið hevur boðað Felagnum føroyskir sjúkrarøktarfrøðingar frá, at tá sjúkrarøktarfrøðingar á sáttmálaøkinum hjá Fíggjarmálaráðnum fara í verkfall, uttan at halda fráboðanarfreistina, so er hetta eitt óheimilað stríðsstig sambært avtaluni um fráboðanarform og fráboðanarfreist undan arbeiðssteðgi millum Fíggjarmálaráðið og Felagið Føroyskir Sjúkrarøktarfrøðingar, dagfest 10. apríl 2014, sigur Fíggjarmálaráðið.

Málið verður tí beina nvegin lagt fyri Fasta Gerðarrættin sum skundmál.