Starvsfelagið og Pedagogfelagið lýsa samhugaverkføll

Starvsfelagið hevur í dag sent Fíggjarmálaráðnum hesa fráboðan um samhugaverkfall:

----------

Samhugaverkfall við Felagnum føroyskir sjúkrarøktarfrøðingar

Nú Landsstýrið og Løgtingið velja at lóggeva í stríðnum millum Fíggjarmálaráðið og Felagið Føroyskir Sjúkrarøktarfrøðingar, skulu vit boða frá, at vit ikki longur kenna okkum bundin av avtaluni frá 1. februar 2014 um fráboðanarform og fráboðanarfreist.

Starvsfelagið skal við hesum boða frá, at felagið lýsir samhugaverkfall á sáttmálaøkinum millum Fíggjarmálaráðið og Starvsfelagið frá á midnátt hóskvøldið 2. novembur 2023 til á midnátt fríggjakvøldið 3. novembur 2023.

Samhugaverkfallið umfatar limir felagsins, sum eru umfataðir av sáttmálanum millum Starvsfelagið og Fíggjarmálaráðið - eisini limir okkara, sum starvast hjá Føroya Løgtingi, Løgtingsins umboðsmanni og Landsgrannskoðanini.

Undantikin frá samhugaverkfallinum eru vaktsentralarnir á sjúkrahúsunum, bráfeingistúrar við sjúkrabili umframt skipini hjá Strandfaraskip Landsins, sum sigla samb. §46 a í sáttmálanum við Fíggjarmálaráðið.

Starvsfelagið
Súni Selfoss, formaður

Pedagongar eisini í verkfall

Føroya Pedagogfelag hevur somuleiðis boðað Fíggjarmálaráðnum frá, at sáttmálasettu limirnir fara í samhugaverkfall í morgin. :

----------

FRÁBOÐAN UM SAMHUGAVERKFALL

Nú Løgtingið hevur gjørt seg inn á verkfalsrættin frá Felagnum Føroyskir Sjúkrarøktarfrøðingar, hevur Føroya Pedagogfelag boða Fíggjarmálaráðnum frá, at sáttmálasettu limir Føroya Pedagogfelags fara í samhugaverkfall frá fríggjadegnum 3. november 2023 kl. 07.00 til fríggjadagin 3. november kl. 17.00.

Verkfallið er galdandi fyri allar limir sum starvast á dagtilboðum hjá Almannaverkinum:

Heimaráðgevingin
Verkstaðurin Stíggjur
Verkstaðurin á Brekku
Verkstaðurin Vón
Verkstaðurin Virkni
Verkstaðurin á Bakka
Dagtihaldið Heildin
Dagtilhaldið á Glyvrum
Dagtilhaldið Skotarók
Frítíðartilboðið í Vági
Dagtilhaldið Liljuteigur
Dagtilhaldið í Mýrusóljuni
Dagtilhaldið Fragdið
Dagtilhaldið Bólið
Dagtilboðið í Virknis og umlættingardeplinum
Frítíðarklubburin í Eysturoy, Klaksvík og á Frúutrøð
Frítíðartoymið á Høgabóli
Jolly Klubb
Klubb Trivni
Smíliklubbin
Verkshúsið Mylnugøta
Frítíðartilboðið Gerðagøta Klaksvík
Frítíðartoymið á Tingúsvegnum
Kafé og tilhaldsstaðið Fjálvi

Eisini skal nevndin í Føroya Pedagogfelag boða frá, at noktað verður limum felagsins at upptaka arbeiði, sum annars skuldi verið gjørt av øðrum fakbólkum, har yrkisfelagið hevur boða frá arbeiðssteðgi.

Nevndin