Yngri Læknar og Fíggjarmálaráðið gjørt nýggjan sáttmála

Semja er í dag gjørd millum felagið hjá yngri læknum í Føroyum og Fíggjarmálaráðið fyri eitt trý ára tíðarskeið. 

Tað skrivar Fíggjarmálaráðið.

Semjan byggir á ein lønarkarm, sum fyrsta árið er 3,8% og næsta árið er 4,04%. Triðja árið verður tað sama, sum onnur feløg fara at fáa á almenna arbeiðsmarknaðinum, verður sagt.

Eisini eru nakrar broytingar gjørdar í sáttmálatekstinum.

Tað nýggja í semjuni er, at ein avtala er gjørd um at arbeiða við eini høvuðsavtalu í sáttmálaskeiðinum.

Yvirskipaða høvuðsavtalan skipar viðurskiftini millum arbeiðsgevarar og arbeiðstakarar.