Lærarafelagið kann vænta sektaruppskot fyri samhugaverkfallið

Fasti gerðarrættur hevur staðfest, at samhugaverkfallið í síðstu viku var óheimilað stríðsstig

Tá løgtingið fyri viku síðani samtykti at leggja upp í verkfallið hjá sjúkrarøktarfrøðingunum, boðaði Lærarafelagið frá samhugaverkfalli. (Savnsmynd: Bjarni Árting Rubeksen)

Ruth Winther Poulsen

09.11.2023 - 12:53

Fundur hevur verið millum Lærarafelagið og Fíggjarmálaráðið, um hvussu farast skal fram, nú Fasti gerðarrættur staðfesti, at tað var óheimilað stríðsstig, tá ið lærararnir fóru í samhugaverkfall við Felagið føroyskir sjúkrarøktarfrøðingar.

Jan Mortensen, Lønardeildin

Jan Mortensen er stjóri á Lønardeildini. (Mynd: Bjarni Árting Rubeksen)

Hoyr innslag í útvarpstíðindunum:

09112023_Jan_Mortensen

Jacob Eli S. Olsen

Jacob Eli S. Olsen er formaður í Lærarafelagnum.

Jacob Eli S. Olsen, formaður í Føroya Lærarafelag vil ikki gera samrøðu við útvarpið í dag.

Hann sigur í viðmerking, at Lærarafelagið hevur verið á fundi við lønardeildina í Fíggjarmálaráðnum um bót fyri óheimilað stríðsstig. Hann sigur eisini, at gongdin í løtuni er sum fyriskrivað í høvuðsavtaluni.

Í 2012 fekk Føroya Lærarafelag 25.000 krónur í bót fyri óheimilað at fara í verkfall.