- Tíðindi, mentan og ítróttur
Búnaðarstovan selur nú ullina í ár
Búnaðarstovan selur nú ullina í ár
Freistin at bjóða er 23. november

Ullin verður seld í ballum, sum hvør vigar 250 kg. (Savnsmynd)
06.11.2026 - 09:08
Búnaðarstovan selur nú ullina, sum hon fekk í ár. Ullin verður seld í ballum, sum hvør vigar 250 kg.
Talan er um tveir flokkar. Í fyrsta flokki eru 25 tons.
Ullin er í seks náttúrulitum. Tað mesta er hvítt og ljósagrátt.
Ullin í øðrum flokki, 8,5 tons, er ikki skild í litir.
Seldu alt til ein keypara í fjør
Freistin at bjóða er 23. november.
Búnaðarstovan skilar sær rætt til at velja tað ella tey tilboð framum, sum samanumtikið hava besta boð uppá alla ullina.
Í fjør seldi Búnaðarstovan alla ullina til ein keypara í Føroyum.
Búnaðastovan vil ikki upplýsa prísin, men hann var nøktandi, var sagt haðani.
Talan var um 33 tons.
Nýggjastu sendingar í ÚV
Nýggjastu sendingar í SV






















