Á Breddanum: Tøkugjaldið og viðkvæmar heilsuupplýsingar

Er tað í lagi og í samsvari við reglur um dátuvernd, at ein heilsumyndugleiki sendir fólki heilsuupplýsingar og aðrar viðkvæmar upplýsingar á eina hotmail-  ella gmail-adressu?

Tað seta vit á Breddan í dag.

Men fyrst hava vit boðið umboðum úr vinnunevndini hjá løgtinginum at kjakast um uppskotið hjá Sambandsflokkinum um tøkugjøld. 

Uppskotið fekk fyrstu viðgerð í tinginum mikukvøldið beint eftir, at 140 starvsfólk á góðskingarvirkinum hjá Bakkafrosti á Glyvrum høvdu fingið uppsøgn.

Undir viðgerðini funnust fleiri samgongufólk at landsstýrismanninum í vinnumálum, tí hann hevur lovað at broyta tøkugjøldini, men einki uppskot er komið.

Í útvarpsstovuni vera Erhard Joensen, formaður í vinnunevndini, og nevndarlimirnir Uni Holm Johannesen, Árni Skaale og Karlot Hergeirsson.

Breddin í útvarpinum klokkan 10 og á kvf.fo.