Amnesty skipar fyri tiltaki um kríggið í Miðeystri

Anmnesty International Føroyar boðar tí frá, at í morgin klokkan 15 savnast fólk á Speakers Corner á Vaglinum í Havn til eitt samhugatiltak. Felagsskapurin vil vísa samhuga við teimum, ið hava latið lív og teimum, sum eru fangaði í vanlukkuliga stríðnum, og heitir í hesum sambandi á at verja sivila fólkið.

- Vanlukkuliga støðan má fáa ein enda. Kring allan heim heita tí fólk, felagsskapir og stovnar á vápnahvíld, og tað ger Amnesty International eisini.

Víðari skrivar felagsskapurin, at geimsins leiðarar mugu arbeiða fyri at fáa eina vápnahvíld millum stríðandi partarnar í lag alt fyri eitt, so fleiri ósek ikki verða dripin, neyðuga hjálpin sleppur inn í Gazageiran, og at umstøðurnar gerast betri at samráðast um at fáa burturfluttu gíslarnar latnar leysar aftur

Jóannes Eidesgaard, formaður í Reyða Krossi Føroya, Steintóra Erhardsdóttir, prestur, og Turið Maria Jóhansdóttir, aðalskrivari í Amnesty International Føroyum, halda røður, og Bartal Augustinussen spælir nøkur løg.