Hitta semingsmenninar fyrrapartin

Umboð fyri Felagið føroyskir sjúkrarøktarfrøðingar og Lønardeildina í fíggjarmálaráðnum skulu hitta semingsmenninar í dag kl. 11. 

Partarnir vóru á fundi saman við semingsmonnunum, til seint í gjárkvøldið, har tey viðgjørdu møguleikan fyri semju ímillum partarnar. 

Hvørki Jan Mortensen, leiðari á Lønardeildini, ella Óluva í Gong, forkvinna í Felagnum føroyskir sjúkrarøktarfrøðingar, hava nakra viðmerking í morgun.

Tað hevur ikki eydnast okkum at fáa samband við Semingsstovnin í morgun. 

Verkfallið gongur nú á sjeyndu viku. 

Fróði Sivertsen, varasemingsmaður, segði við útvarpið í gjárkvøldið, at partarnir vóru hvør sær bodnir á fund í gjár fyri at vita, um nakar møguleiki er at hóma fyri at koma víðari.

Fundurin kl. 11 verður í hølunum hjá Semingsstovninum.