Færri lønir í oktober

Nakað minni var goldið í lønum í oktober enn í september.

Í oktober vóru goldnar 961 milliónir krónur í A-skattskyldugm lønum.

Talið var 989 milliónir í september, skrivar Hagstovan.

Menn fáa framvegis meira enn kvinnurnar í løn. Í oktober fingu menn 592 milliónir og kvinnur 369,5 milliónir.

Desermber setti met

Tað mesta, sum er goldið í lønum, vóru ein milliard og 76 milliónir krónur. Tað var í desember í fjør.

Lønargjaldingar eru A-skattskyldugar lønir, sum fyritøkur við heimstaði í Føroyum gjalda.

Útlendskar fyritøkur ella fyritøkur, sum ikki hava virksemi í Føroyum, telja ikki við.

B-skattskyldugar inntøkur, samsýningar, lønarískoyti frá arbeiðsloysisskipanum og útgjøld, so sum veitingar og eftirlønir, eru heldur ikki við.