Harðskapur, hassj og horvin bilur

Í gjár fekk politiið fráboðan um harðskap í miðbýnum í Havn, sum hevði verið um fýra-tíðina sunnumorgunin.

Ein maður sigur, at hann var sligin í høvdið.

Málið verður kannað.

Í gjár var eitt útlendskt ferðafólk tikið á flogvøllinum, tí tað hevði trý gramm av hassji við sær.

Ferðafólkið fekk sekt.

Og í gjár var ein granat funnin í einum haga í Vágum. Boðað er frá tí á røttum staði, sigur politiið. 

Og fólk, sum vita um ein svartan Peugeot 407, sum hevur nummarið AM 147, vera biðin um at siga politinum frá.

Bilurin var stolin í Havn í nátt.