Bergholið til Fámjins dýrkar 45 milliónir

2.800 rúmmetrar av gróti eru dotnir niður úr loftinum í bergholinum til Fámjins.

Tvey omanlop hava verið. Tað fyrra var í apríl. Í tí vóru 800 rúmetrar av gróti.

Tað seinna var nógv størri. Tað var 9.oktober, tá 2.000 rúmetrar rapaðu úr loftinum.

Tað upplýsir Dennis Holm, landstýrismaður, í svari til fíggjarnevndina hjá løgtinginum.

Fámjinstunnil, berghol til Fámjins, grót í fámjinstunlinum

2.800 rúmmetrar av gróti eru dotnir undan loftinum í bergholinum.

Seinkaður fimm mánaðir

Hetta seinkar arbeiðinum okkurt um fimm mánaðir. Tað skuldi annars vera liðugt komandi summar.

Og hetta krevur eykajáttan longu nú. Biðið verður um 25 mió. kr. nú í november.

Samanumtikið metir Landsverk, at bergholið verður 45 mió. kr. dýrari enn áður mett. 

Tað fer at kosta 252 mió. kr. í staðin fyri 207 sum áður mett.

10.november vóru 260 metrar eftir at bora.