Eingir pengar til nýtt vaktarskip

Eingir pengar eru í 2024 til nýtt skip fyri Tjaldrið.

Men arbeitt verður við málinum. Og í 2025 eru fýra milliónir settar av til projektering.

Tað sigur Dennis Holm, landsstýrismaður, í svari til fíggjarnevndina. 

Ein annar møguleiki er at útvega annað skip fyri Tjaldrið.

Tjaldrið verður 50 ár um tvey ár.

Hóast skipið er væl røkt, so gerst vandin fyri, at brek endaliga leggur skipið, størri hvønn dag, sigur Fiskimálaráðið.

Danskt herskip, danskt sjóverjuskip, danska sjóverjan

Donsku vaktarskipini eru meira enn 30 ára gomul, men ætlanin er, at tey skulu halda í minsta lagi 15 ár aftrat. (Savnsmynd)

Donsku verjuskipini eisini gomul

Ikki bara Føroyar hava gomul skip í vaktar- og bjargingartænastuni.

Tey fýra donsku skipini, Thetis, Triton, Vædderen og Hvidbjørnen, sum eru meira enn 30 ára gomul, skulu brúkast í minst 15 ár aftrat, ætlar verjan sambært einum uppriti, sum TV2 og Altinget Arktis hava fingið fatur í.

Sambært tí, vera pengar til nýggj skip ikki fyrr enn árini 2031 til 2037.

Men til tá verða settar av 1,3 milliardir krónur til at viðlíkahalda tey, sum nú eru, so tey halda í minsta lagi 15 ár aftrat.