Landsstýrið fyrireikar veðurlagslóg

Nýggj frágreiðing frá umhvørvisstovni undir ST staðfestir, at skulu vit skulu røkka málinum í París-avtaluni, um at miðalhitin á jørðini ikki skal hækka meira enn 1,5 stig í 2030, skal útlátið frá vakstrarhúsgassum minka 42 prosent fyri 2030. 

Ingilín Didriksen Strøm, landsstýriskvinna í umhvørvismálum, sigur, at landsstýrið arbeiðir við uppskoti um veðurlagslóg, og tað verður lagt fyri tingið eftir jól.

Ingilín Didriksen Strøm

Ingilín Didriksen Strøm er landsstýriskvinna í umhvørvismálum. 

- Vilja gera mun og minka útlátið, noyðast vit seta okkum bindandi mál, sigur hon.

Landsstýriskvinnan sigur eisini, at ætlanin er at seta fleiri tiltøk í verk aftrat teimum, sum longu eru sett í verk, til 2030.

Sí innslag í Degi og viku:

Veðurlagslagsráðstevnan hjá ST, COP28, verður frá 30. november.

Ingilín Strøm, landsstýriskvinna í umhvørvismálum, verður eisini á ráðstevnuni.