Verður skipað í embætið sunnudagin

Undir gudstænastuni í Havnar kirkju sunnudagin skipar Uni Næs, dómpróstur, Steintóru Gleðisheygg Joensen í embætið sum nýggjur sóknarprestur í Suðurstreymoyar eystara prestagjaldi, skrivar fólakirkjan.fo

Hon verður eisini sóknarprestur í Nólsoyar kirkju.

Steintóra Gleðisheygg Joensen var prestvígd í 2021, tá ið hon gjørdist vikarur í Suðurstreymoyar vestara prestagjaldi í nakrar mánaðir.

Síðani hevur hon verið virkandi sóknarprestur í Norðstreymoyar vestara prestagjaldi, nú sóknarprestarnir báðir tvær hava verið í barnsburðarfarloyvi.