Fimleikafagnaður

Norðurlandahúsið verður seinnapartin í dag karmur um Fimleikafagnaðin 2023, sum eisini var á skránni í gjár.

Fimm feløg við íðkarum í øllum aldri fara á pallin við flottum og litríkum framførslum.

Hetta er átjandu ferðin, at fimleikafagnaðurin er, men hann hevur ikki verið síðani í januar mánaði í 2020. 

Tí tykist tað, sum at feløg og íðkarar hesuferð hava lagt eitt sindur meira fyri, nú tey endiliga aftur sleppa at framføra, siga fyrireikarnir. 

Fimleikafagnaðurin er eisini ein kapping millum feløgini, og vinnarin verður kosin eftir seinastu sýningina í kvøld. 

467 íðkarar eru við til fagnaðin í ár. 

Tey luttakandi feløgini eru: 

Havnar Fimleikafelag

Klaksvíkar Fimleikafelag

Fimleikafelagið Støkk

Fimleikafelagið Flog

Fimleikafelagið Ljósið

Atgongumerkini blivu beinanvegin útseld, men tað fer at bera til at sita heima og fylgja við Fimleikafagnaðinum 2023, og seinasta sýningin, sum byrjar klokkan fimm, verður stroymd á YouTube.