Fimm skip landaðu norðhavssild uttanlands

Nú føroysk skip frá 15. til 22. novembur høvdu loyvi at landa norðhavssild uttanlands, vóru tað fimm skip, sum gjørdu tað.

Tilsamans landaðu tey 8.009 tons í donskum og norskum havnum.

Tað upplýsir Vørn.

Ango, Fagraberg, Gamli Jupiter og Hoyvík landaðu hvør sína last í Danmark, svarandi til 5.547 tons, og Birita landaði tvær lastir í Norra, svarandi til 2.463 tons.

Higartil í ár hava føroysk skip tilsamans fiskað 51.844 tons av norðhavssild - 46.545 í íslendskum øki, 4.830 í føroyskum øki og 490 tons í altjóða øki.