Teistin ger royndir á kalsoyarleiðini í morgin

Teistin fer í morgin at royndarsigla á Kalsoyarleiðini.

Endamálið er at vita, hvussu tað riggar hjá Teitanum at leggja at í Klaksvík og í ferjuleguni á Syðradali.

Rampan á Syðradali er ov lítil til Teistan, men ein møguleiki er at flyta rampuna úr Skopun til Syðradals, og annars gera tilllagingar við rampuna í Klaksvík og Syðradali, sigur Strandferðslan.

Teistin var eisini royndarsigldur á nólsoyarleiðini í síðstu viku, og tað riggaði væl.

Eftirmeting

Hvørja farleið, SSL fer at mæla til at brúka Teistan á, fer eftirmeting av royndarsiglingini at vísa.

Teistin stendur á sølulista á fíggjarlógini, men skipið er  nýtt samanborið við gomlu skipini hjá Strandferðsluni.

Teistin er frá 2001, og hann fekk nýtt orkuverk fyri tíggju árum síðani.

Meðan Teistin er ger royndir á kalsoyarleiðini í morgin, verða flytingar og broytingar gjørdar í nøkrum ferðaætlanum, og tær síggjast á gula breddanum á www.ssl.fo og í sms-skipanini