Samráðast við fleiri fakfeløg í vikuni

Lønardeildin hevur samráðingar við nógv fakfeløg í vikuni.

Samráðingar eru við Lærarafelagið, Búskapar- og løgfrøðingafelagið, Maskinmeistarafelagið, Skipara- og navigatørfelagið og Ergoterapeutfelagið.

Í síðstu viku gjørdu Fíggjarmálaráðið og Akademikarafelagið semju um nýggjan sáttmála.

Tað er ein sáttmáli, sum er galdandi í trý ár, til 1.oktober 2025.

Lønarvøksturin er 12,75 prosent.

Í Akademikarafelagnum eru Magistarafelagið, Verkfrøðingafelagið, Byggifrøðingafelagið, Arkitektafelagið og Føroyskir sálarfrøðingar.