Væl nøgdir við royndarsiglingina

Bæði skiparin á Teistanum og stjórin á Strandferðsluni eru á einum máli um, at royndartúrarnir við Teistanum millum Havnina og Nólsoy herfyri og millum Syðradal og Klaksvík í dag eydnaðust væl. 

Í Nólsoy verður neyvan neyðugt við tillagingum, í Havnini skal okkurt smávegis gerast, men bæði á Syðradali og í Klaksvík verður neyðugt við størri tillagingum.

Teistin í Klaksvík

Neyðugt verður við tillagingum á ferjuleguni í Klaksvík, so Teistin kann brúka hana. 

Teistin í Klaksvík

Teistin í Klaksvík í dag.

Magnus Olsen var skipari á Teistanum í dag, tá hann fyrst royndi ferjuleguna á Syðradali og síðani í Klaksvík. Ein royndartúrur, sum hann heldur eydnaðist væl.

Hoyr innslag í útvarpstíðindunum:

Teistin á Syðradali - Mynd: Sólarn Isaksen

Eisini á Syðradali verður neyðugt við tillagingum. Tað hevur verið nevnt, at ferjulegan í Skopun kann flytast til Syðradals, tá Teistin gevst at sigla um um skopunarfjørð. (Mynd: Sólarn Isaksen)

Teistin á Syðradali - Mynd: Sólarn Isaksen

Teistin við ferjuleguna á Syðradali í dag. (Mynd: Sólarn Isaksen)

Teistin verður tikin úr sigling millum Gomlurætt og Skopun, tá Sandoyartunnilin eftir letur upp fyri almennari ferðslu 21. desember.