Skuldsettur fyri hóttan á Herberginum

Ein maður er skuldsettur fyri at hótta starvsfólk á Herberginum í Havn seinnapartin í gjár.

Maðurin var, sambært politinum, ein sera misnøgdur brúkari.

Tá politiið var á veg til Herbergið, kom fráboðan um ferðsluóhapp á Velbastaðhálsi, so politiið fór hagar í staðin fyri.

Tá politiið so kom á Herbergið, var tann illi maðurin farin til Suðuroyar við Smyrli.

Politiið tók ímóti honum á Krambatanga.

Maðurin var avhoyrdur og skuldsettur fyri hóttan.