Hanus Toftheyggj nýggjur sjúkrahússtjóri

Landsstýriskvinnan í heilsumálum, Margit Stórá, hevur sett Hanus Toftheyggj sum stjóra fyri Sjúkrahúsverkið og sjúkrahússtjóra á Suðuroyar sjúkrahúsi.

Hanus Toftheyggj er 37 ára gamal, er útbúgvin administratiónsbachelor í almennari fyrisiting frá VIA University College í Århus í 2013 umframt Master í løgfrøði frá Fróðskaparsetri Føroya í 2017.

Hann hevur drúgvar royndir í almennari fyristing og hevur m.a. starvast í sjey ár sum fulltrúi í Almannaverkinum.

Hanus Toftheyggj hevur síðani september 2022 verið leiðari á Bú- og heimatænastuni í Suðuroy.

Hann tekur við starvinum 1. januar.