Søkja eftir samskipara til føroyskt sum annaðmál

Undirvísingarstýrið søkir nú eftir fakligum samskipara til føroyskt sum annaðmál.

Hetta er nýtt starv á einum øki, sum er undir uppbygging. 

Samskiparin verður partur í fólkaskúlatoyminum, ið hevur sum meginuppgávu at fáast við fyrisiting í fólkaskúlanum, frískúlunum, sernámsfrøðiliga økinum og í frítíðarundirvísingini. 

Samskiparin verður eisini í einum nýggjum tvørgangandi bólki í Undirvísingarstýrinum, sum skal tryggja undirvísingartilboð í føroyskum sum annað mál í øllum útbúgvingarøkinum.

Umsóknarfreistin er 18. desember á middegi, og starvið verður sett 1. januar.