Færri børn verða fødd

Annað árið upp í slag eru væl færri børn fødd enn árið fyri, og tann gongdin merkist eisini á føðideildini á Landssjúkrahúsinum.

Í 2021 vóru 678 børn fødd, og í fjør vóru tey 625, ella 53 færri. 

Um allar barnakonur, sum eru settar at eiga í ár, eiga, koma vit upp á 565 børn í 2023.

Hoyr innslag í útvarpstíðindunum:

Síðani 1985 er tað bert einaferð, at færri enn 600 børn eru fødd í einum ári, vísa tøl hjá Hagstovuni.

Tað var í 2011, tá 580 børn vóru fødd.