Norskar bunkringar til russisk skip eru nú á dagsskránni í Noregi

Norska stjórnin hevur svarað Sjúrði Skaale, fólkatingsmann, um norskar bunkringar til russisk skip

Norska stjórnin váttar í svarinum, at hon hevur fingið upplýsingar um, at russisk skip hava bunkrað olju frá norskum skipum á víðum havi, sigur Sjúrður Skaale.

Fleiri ferðir hevur verið róð framundir, at norsk skip ikki virða revsitiltøkini hjá ES móti Russlandi og veita olju - og møguliga eisini aðrar tænastur - til russisk skip á víðum havi. 

Espen Barth Eide

Espen Barth Eide er norskur uttanríkisráðharri.

Tað er væl kent, at summi av hesum russisku skipunum bunkraðu í Føroyum, áðrenn føroyski havnarstongsulin mótvegis Russlandi varð settur í verk í summar.

Í svarinum sigur Espen Barth Eide, uttanríkismálaráðharri, at norsk skip eisini eru fevnd av teimum handilstiltøkum, sum Noreg hevur sett í verk mótvegis Russlandi. 

Norska stjórnin vil tó ikki siga, um bunkringarnar á víðum havi eru brot á tiltøkini.

Og svarið tekur heldur ikki støðu til, um hetta virksemið er vaksið, síðani havnarstongsilin í Føroyum var settur í verk.

Svarið kann lesast her.

Hoyr innslag í útvarpstíðindunum: