Atlantic verður spakuliga grønari

Í gjár fleyg fyrsta flogfar tvørtur um Atlantshavið við hundrað prosentum burðardyggum brennievni.

Tað ganga tó fleiri ár, áðrenn Atlantic Airways fer at flúgva 100 prosent burðardygt. 

Tað er ikki lætt at faa fatur á grønum brennievni í dag, og tað er eisini rættiliga kostnaðarmikið.

Atlantic Airways sigur seg longu hava gjørt nógv á grøna økinum, sigur Jan Johannesen, leiðslusamskipari hjá Atlantic Airways.

Føroyska flogfelagið sigur seg fylgja altjóða ásetingum. Tey vænta tó ikki, at Atlantic fer at seta meira ferð á grøna orkuskiftið enn ásetingarnar siga.

Um grønt brennievni verður at fáa í Vágum í framtíðini er ivasamt.