Skúlakortið verður ikki galdandi í summarfrítíðini

Ætlanin er ikki at lata skúlakortið, sum gevur lesandi og næmingum ókeypis alment ferðasamband, virka í summarfrítíðini.

Tað kann brúkast í 11 mánaðir um árið.

Og tað kann tað eisini í framtíðini.

Tað sigur Djóni Nolsøe Joensen, landsstýrismaður, í svari til Biritu Matras Petersen, løgtingskvinnu, sum heldur tað vera rætt, at fólk kunnu brúka skúlakortið, tá tey arbeiða í summarfrítíðini.

Djóni Nolsøe Joensen sigur, at eingin ítøkilig ætlan er í løtuni um at broyta skúlakortið, so tað er galdandi alt árið, eisini í summarfrítíðini.

Djóni Nolsøe Joensen sigur, at tað hevði kostað slakar 400.000 kr. um árið, var skúlakortið virkið alt árið.