Óbroytt skattaprosent, men størri barnafrádráttur

Skattaprosentið á Tvøroyri verður tað sama næsta ár sum í ár, 20,9.

Men barnafrádrátturin hækkar 1000 krónur, upp í 8.000 krónur.

Og øll børn í Tvøroyrar kommunu fáa framvegis virðiskortið, sum er 2.000 kr.

Fíggjarætlanin hjá Tvøroyar kommunu fyri 2024 javnvigar við 123,3 mió. kr.

Inntøkurnar eru mettar at vera 95,1 millión, 600.000 kr. meira enn í ár.

Raksturin fer at kosta 90,2 milliónir, 5,5 prosent meira enn í ár.

Ætlanin er at gera íløgur fyri 30 mió. kr., og  ætlanin er at lána 23,5 milliónir til íløgur.