88 fólk innløgd, hóast viðgerðin er liðug

Í ár, frá januar til november, vóru 88 fólk innløgd á sjúkrahúsum, hóast tey vóru liðugt viðgjørd har.

Tey høvdu 2.670 seingjardagar. Kostnaðarmetingin er slakar 8,2 mió.kr.

Talið er vaksið síðani 2020. 

Tað var 44 í 2020, 65 í 2021 og 68 í 2022. Kostnaðurin er tí eisini vaksin, úr góðum 2,3 mió.kr. í 2020.

Tað sigur Margit Stórá, landsstýriskvinna, í svari til Eirik í Jákupsstovu, løgtingsmann.

Eirikur í Jákupsstovu

Eirikur í Jákupsstovu, løgtingsmaður.

Margit Stórá

Margit Stórá, landsstýriskvinna í heilsumálum. 

Danskir prísir

Kostnaðarmetingin byggir á danskar prísir, tí eingi føroysk tøl eru.

Men føroyskir prísir eru um ávísar serskipanir, sum eru lagdir aftrat kostnaðarmetingini.

Spurt var eisini, hvussu nógv eru yvir 67 ár.

Tey eru 71 higartil í ár. Tey vóru 36 í 2020, 52 í 2021 og 52 í fjør. Flestu teirra, sum eru innløgd, hóast tey ikki eru sjúk longur, eru ti yvir 67 ár.

Margit Stórá sigur, at hon fer at taka hesi viðurskifti upp politiskt.

Millum annað fer hon at kanna, um ein skipan, har gjøld verða tikin frá avvarðandi myndugleikan, kann vera ein partur av loysnini.