Kringvarpið tekur uppsagnirnar aftur

Um KVFTíðindi
Kringvarpið tekur uppsagnirnar aftur
Eitt lógaruppskot er á veg í løgtingið, sum bøtir um inntøkugrundarlagið hjá KVF. Hetta broytir fyritreytirnar fyri sparingunum, og tí fremur KVF ikki ætlaðu uppsagnirnar
Fyritreytirnar fyri sparingunum eru broyttar, og tí fremur KVF ikki ætlaðu uppsagnirnar.
Mynd: Bjarni Árting Rubeksen  
 
12/08/2023 - 11:27

Eitt lógaruppskot er á veg í løgtingið, sum bøtir um inntøkugrundarlagið hjá KVF. Um uppskotið verður samtykt, skal KVF spara góðar 3 mió. í staðin fyri góðar 8 mió. krónur.

"Hetta broytir fyritreytirnar fyri sparingunum, og tí fremja vit ikki ætlaðu uppsagnirnar", sigur kringvarpsstjórin.

Samgongan hevur í samgonguskjalinum sett sær fyri at styrkja KVF. Eitt broytingaruppskot til kringvarpslógina er nú farið til hoyringar. Sambært uppskotinum fer kringvarpsgjaldið fyri persónar at hækka við 13 krónum um mánaðin, og síðani verður tað prístalsjavnað við 2 prosentum frá 2025. Um uppskotið verður samtykt, fær KVF góðar 5 mió. kr. meira í inntøkum í 2024. Uppskotið broytir fyritreytirnar fyri sparingunum upp á 8,2 mio. kr., sum Kringvarpið er farið undir at fremja.

”Fyri trimum vikum síðani tóku vit stig til at fremja sparingar, sum svara til útvið 11 ársverk. Við tí, sum nú liggur á borðinum, taka vit ætlaðu uppsagnirnar í fasta starvsfólkahópinum aftur”, sigur kringvarpsstjórin, Ivan Hentze Niclasen. ”Vit skulu tó framvegis spara 3 mió. krónur fyri at koma á slætt í 2024, og tær mugu vit finna í rakstrinum”, leggur hann afturat. 

Hoyr samrøðubrot við Ivan Hentze Niclasen í útvarpstíðindunum:

 

08122023_Ivan_2

 

Enn er ov tíðliga at siga nakað um, hvussu hetta fer at ávirka skránna. ”Onki uppskot er samtykt enn, og tí eru vit í eini bíðistøðu”, sigur kringvarpsstjórin. Hann leggur afturat, at Kringvarpið – hóast hetta uppskotið – framvegis skal spara í rakstrinum, og tí má framleiðslukostnaðurin av sendingum niður. Hann hevur tó vónir um, at nakrar sendingar, sum eftir ætlan skuldu sparast burtur, nú kunnu verða verandi á skránni.  


Lógaruppskotið bøtir um inntøkugrundarlagið

Kringvarpsstjórin fegnast um, at ein prístalsjavning er við lógaruppskotinum. ”Hesum hava vit sóknast eftir í fleiri ár, tí meðan lønir og prísir hækka, hevur kringvarpsgjaldið staðið í stað”, sigur Ivan Hentze Niclasen. Hann vísir tó á, at ein prístalsjavning upp á 2 prosent ikki er nóg mikið til at standa ímóti lønar- og prísvøkstrinum, sum er væl oman fyri tey tvey prosentini. Hann mælir tí til, at lógaruppskotið verður tillagað, soleiðis at haldførið hjá Kringvarpinum verður betri tryggjað.

 

Nýggjastu sendingar í ÚV
Mánadag 4. mars
Ein og hvør er sær sjálvum næstur
171614
Mánadag 4. mars
Skaldsligt orðasmíð
171593
Mánadag 4. mars
Góðan morgun Føroyar
171584
Mánadag 4. mars
Morgunlestur mánadagur 4. mars 2024
171532
Sunnudag 3. mars
Guðstænasta í Miðvágs kirkju
171555
Nýggjastu sendingar í SV
Sunnudag 3. mars
Hondbóltur: Føroyar - Luksemburg
171615
Sunnudag 3. mars
Guðstænasta úr Miðvágs kirkju
171556
Fríggjadag 1. mars
Veðrið
171531
Fríggjadag 1. mars
Veðrið
171519
Hósdag 29. februar
Fólksins rødd: Um veðrið (1:4)
171415

Um kvf css