45 milliónir aftrat til fámjinsbergholið

Fíggjarnevndin er samd um at lata 45 mió. kr. aftrat til bergholið til Fámjins, so bergholið fer at kosta 252 mió. kr.

Orsøkin til, at bergholið gerst dýrari, er, at tilfarið í fjallinum er sera vánaligt.

Tvey stór omanlop hava verið í bergholinum.

Síðst í oktober 2021 játtaði løgtingið 169 mió. kr. til bergholið.

Lógin frá 19.apríl í fjør sigur 207 mió. kr.

Fíggjarnevndin tekur eisini undir við uppskotinum frá landsstýrinum um eykajáttan um at lata 25 milliónir aftrat til bergholið í ár og hækka játtanina fýra milliónir næsta ár.