Gott hugskot at aðalstjórar eru áramálssettir

18.12.2023 - 13:16

Innlendis›Politikkur

Ein aðalstjóri, sum situr alt ov leingi, kann gerast persónliga útbrendur, og tað talar fyri einum styttri áramáli, heldur Petur Alberg Lamhauge, fyrrverandi aðalstjóri

Aktivera javascript

Sjey ár er eitt hóskandi áramál hjá einum aðalstjóra at sita í starvinum, heldur Petur Alberg Lamhauge, fyrrverandi aðalstjóri í fíggjarmálaráðnum

Mynd: Bjarni Árting Rubeksen

Frá 1997 til 2011 var Petur Alberg Lamhauge aðalstjóri í Fíggjarmálaráðnum.

Men í 2011, tá Petur Alberg Lamhauge var 63 ára gamal, bað hann sjálvur um at verða loystur úr aðalstjórastarvinum og samstundis halda fram sum starvsfólk í ráðnum.

Petur Alberg Lamhauge tekur tí undir við tilmælinum um áramálssetan, og hann heldur sjey ár vera hóskandi áramál.

Løgmaður fekk í seinastu viku eitt álit um setanarviðurskiftini hjá aðalstjórum.

Millum tilmælini í álitinum er, at aðalstjórar verða áramálssettir.