Høgni Hoydal vil heldur ikki fordøma ísraelsku álopini í Gaza

Høgni Hoydal, landsstýrismaður í uttanríkismálum, sendi í gjár út eina fráboðan um, at Ísrael skal halda altjóða lóg í stríðnum við Hamas í Gazageiranum.

Landsstýrismaðurin brúkt tó ikki orðið fordøming í fráboðanini. 

"Tað eru ikki tey orðini, ið mann velur í hesi støðuni," sigur Høgni Hoydal, ið mælti til at fáa bæði vápnahvíld í lag og gíslar latnar leysar.

Landsstýrismaðurin í uttanríkismálum heldur tó, at tað er eitt sterkt signal, sum landsstýrið sendir, tá tað sigur, at altjóða lóg skal haldast, og at mann má arbeiða fyri einum stati til palestinar.