Oyggjaleikir í Føroyum fyrr enn ætlað

Nú er greitt, at Føroyar verða vertir fyri Oyggjaleikunum longu í 2027.

Á Guernsey í summar var avgjørt, at Oyggjaleikirnir í 2031 skuldu vera í Føroyum. Leikirnir 2027 skuldu eftir ætlan vera á Ynis Môn, men av serligum orsøkum hevur Ynis Môn tikið seg aftur.

Føroyar hava tískil fingið í boði at vera vertir fyri Oyggjaleikunum longu í 2027,  ÍSF hevur tikið av møguleikanum.

Føroyar vóru vertir fyri Oyggjaleikunum í 1989.

3.000 íðkarar

Og nú, nærum 40 ár seinni, verða teir aftur í Føroyum.

24 tjóðir við fleiri enn 3.000 íðkarum koma til Føroya at kappast.

ÍSF og landsstýrið siga, at tey eru sannførd um, at vit eru klár at hýsa Oyggjaleikunum í 2027.

Fyrstu fyrireikingar byrja tíðliga í nýggja árinum.