Eitt langt stríð fyri undirsjóvartunlinum

Tað gingu bara nøkur fá ár eftir at Teistin varð settur í sigling um Skopunarfjørð í 2001, at tosið um ein Sandoyartunnil byrjaði av álvara. Men í gjár hendi tað so, at Teistin sigldi sín seinasta túr og Gerhard Lognberg skar snórin av í Sandoyartunlinum. Fólk hava verið góð við Teistan, men eingin fer at sakna farleiðina, nú undirsjóvartunnilin er komin.