- Tíðindi, mentan og ítróttur
Arbeiðsgevarar: Brúk fyri útlendskum íløgum
<div>Uppskotið hjá Johan Dahl, landsstýrismanni, um at avmarka útlendskan eigaraskap í alivinnuni, hevur fingið enn eitt skot fyri bógvin. Føroya Arbeiðsgevarafelag hevur nú gjørt vart við seg í hoyringarskrivi, sum Vinnunevndin hjá løgtinginum fekk fyrr í vikuni.</div><div><br></div><div>Tá stórar broytingar verða gjørdar í vinnulóggávuni er vanligt, at tær eru sera væl fyrireikaðar og greinaðar, so allir partar fáa fyrireikað seg til broytingarnar. Hetta er ikki gjørt í hesum førinum. Og tað er átaluvert. Tað tykist ikki, sum politiska skipanin tekur hetta í álvara, sigur Arbeiðsgevarafelagið.</div><div><br></div><div><b>Virðisbrævamarknaður</b></div><div><br></div><div>Í meira enn tíggju ár hevur verið arbeitt við at fáa ein virknan virðisbrævamarknað í Føroyum fyri at sleppa fram at útlendskum kapitali. Fyri fáum árum síðani setti Vinnumálaráðið gongd á verkætlanina ?Invest in the Faroes? fyri at fáa marknaðarført Føroyar sum íløguland. </div><div> </div><div>Uppskotið, sum nú er í løgtinginum, er beinleiðis í stríð við hesi átøk, sigur Føroya Arbeiðsgevarafelag. Felagið sigur eisini, at mest sum allur eftirlønarkapitalur fer av landinum til virðisbrøv. Komandi eftirlønarnýskipan fer at senda fleiri slíkar pengar av landinum. Tí hava vit brúk fyri útlendskum íleggjarum í Føroyum. </div><div><br></div><div><b>Í stríð við Hoyvíkssáttmálan</b></div><div><br></div><div>Eins og onnur ger Føroya Arbeiðsgevarafelag eisini vart við, at lógaruppskotið hjá Johan Dahl er í stríð við Hoyvíkssáttmálan millum Føroyar og Ísland. </div><div>Og útlendski eigaraskapurin verður ikki meira avmarkaður enn so, at fýra ella fleiri útlendsk feløg kunnu eiga eitt føroyskt felag í alivinnuni alt sum tað er, 100%.</div><div> </div><div> </div><div> </div>
