Norwegian eigur nú Widerøe

Norska lágprísflogfelagið Norwegian eigur nú einsamalt flogfelagið Widerøe.

Keypið er endaliga avgreitt, og prísurin er ein milliard og 125 milliónir norskar krónur.

Tað svarar til 744 milliónir krónur í okkara peningi. Men upphæddin verður tillagað og endaliga ásett seinni, skrivar felagið í fráboðan til norska keypsskálan í dag.

Norwegian kunngjørdi í juli í fjør, at tað hevði gjørt avtalu um at keypa Widerøe.

Norska kappingareftirlitið góðkendi handilin í desember.

Æltanin er, at Widerøe framhaldandi skal verða sjálvstøðugt flogfelag við egnari merkivøru, umsiting og við høvuðsskrivstovu í Bodø.

Widerø hevur eisini flogið til Føroya, og tekur flúgvingina uppaftur í summar.