Fyrireika oyggjaleikirnar

Ítróttasamband Føroya søkir nú eftir einum samskipara til Oyggjaleikirnar, sum verða í Føroyum í 2027. 

Hoyr samrøðu við Petur Mittún, aðalskrivara í Ítróttasambandi Føroya.

Umframt at seta ein samskipara fer ÍSF eisini í næstum at seta eina oyggjaleikanevnd, sum verður mannað við fólkum, sum skulu hava høvuðsábyrgdina av teimum ymsu arbeiðsøkjunum í sambandi við leikirnar, so sum fíggjarviðurskifti, marknaðarføring, gisting, matur, logistikki og sjálvum kappingunum, umframt av setanarhátíðini og endahátíðini, sum eisini eru stór tiltøk í sjálvum sær.