- Tíðindi, mentan og ítróttur
40 daga treytaleysa fongsulsrevsing til løgreglumann
40 daga treytaleysa fongsulsrevsing til løgreglumann
Ein løgreglumaður er í Føroya rætti í dag dømdur 40 daga treytaleysa fongsulsrevsing fyri at misbrúka starv sítt og fyri at hava framt blúnisbrot
![](https://kvf.fo/sites/default/files/styles/grein-ovasta-mynd/public/vlcsnap-2022-02-15-10h17m04s074.png?itok=qrAkG7Mz)
Maðurin umhugsar nú, um dómurin skal roynast í Landsrættinum.
Mynd: Savn
23.01.2024 - 17:50
Maðurin er funnin sekur í í trimum førum at hava misbrúkt starv sítt, sum løgreglumaður og í tveimum førum at hava framt blúnisbrot.
Løgreglumaðurin hevur verið suspenderaður ella fyribils loystur úr starvi síðani desember 2022.
Tað er Den Uafhængige Politiklagemyndighed í Danmark, sum hevur kannað málið, av tí at tað er starvsfólk hjá Føroya politi.
Statsadvokaturin í Keypmannahavn er ákæri í hesum máli.
Ríkisløgreglan skal nú taka støðu til, um maðurin kann halda fram at arbeiða sum løgreglumaður.
Maðurin umhugsar nú, um dómurin skal roynast í Landsrættinum.
Nýggjastu sendingar í ÚV
Nýggjastu sendingar í SV