- Tíðindi, mentan og ítróttur
Báðir partar siga seg hava fingið viðhald
<div>Fiskiveiðieftirlitið fer ikki í Landsrættin við úrskurðinum hjá Føroya rætti um Stjørnuna og Smaragd. Fiskiveiðieftirlitið tekur avgerðina til eftirtektar og ger ikki meira við málið. Báðir partar meta seg at hava fingið viðhald. </div><div><br></div><div>Rætturin sigur, at Fiskiveiðieftirlitið hevði fullan rætt til at leggja skipini, tí tey høvdu alt ov nógva sild, tá tey fiskaðu makrel. Men skipini lógu nógv styttri enn Fiskiveiðieftirlitið ætlaði, bara eina viku í staðin fyri fýra. Og advokatarnir hjá reiðaríinum, JFK Troli, halda seg eisini hava fingið viðhald. </div><div><br></div><div><b>Kundu loysa beinan vegin</b></div><div><br></div><div>Teir tulka úrskurðin soleiðis, at varð hann sagdur sama dagin, sum Fiskiveiðieftirlitið legði skipini, lógu tey bara tann eina dagin.Tí rætturin sigur, at "Fiskeinspektionens afgørelser af 14.september om inddragelse af fiskeritilladelserne for "Smaragd" og "Stjørnan" stadfæstes, dog kun for tidsrummet frem til kendelsens afsigelse."</div><div><br></div><div>Skipini kundu tí loysa í somu løtu, sum úrskurðurin varð lisin í rættinum á middegi fríggadagin 21.september.</div><div><br></div><div><b>Óbroytt mannagongd í ár</b></div><div><br></div><div>Elmar Højgaard, stjóri á Fiskiveiðieftirlitinu, sigur, at Fiskiveiðieftirlitið fer ikki at broyta mannagongd í hesari makrelvertíðini. Hvussu verður næsta ár, veit hann ikki. Fiskiveiðieftirlitið kann krevja bót ella draga inn reiðskap og veiðu hjá skipum, sum bróta lógir ella kunngerðir um fiskiskap. </div><div><br></div><div>Fiskiveiðieftirlitið legði eisini tveir aðrar trolarar, Jaspis og Ametyst, men bara í tvær vikur. Reiðaríið hjá teimum kærdi eisini, men rætturin hevði ikki viðgjørt málið, tá úrskurðurin kom um Stjørnuna og Smaragd. </div><div><br></div><div>Og málið verður heldur ikki viðgjørt. Jaspis og Ametyst kundu tí eisini fara til fiskiskap aftur fríggjadagin.</div><div><br></div><div><br></div><div><br></div>
