- Tíðindi, mentan og ítróttur
Tríggir dømdir fyri at hava smuglað hassj
<div>Seks og fýra mánaðar fongsulsrevsing. Tað vórðu dómarnir í stóra narko-málinum, sum var fyri í Føroya rætti í gjár. Fýra mans - tveir føroyingar og tveir danir, millum 24 og 32 ár - vórðu í grundlógaravhoyring skuldsettir fyri at hava smuglað tvey kilo av hassji til Føroya.</div><div><br></div><div>Teir báðir danirnir høvdu keypt hassjið í Danmark, og smuglað tað til Føroya við Norrønu í eykahjólinum á bilinum. Føroyingarnir skuldu selja hassjið í Føroyum. Virðið varð mett til eina hálva millión krónur. </div><div><br></div><div><b>Fingu dóm</b></div><div><br></div><div>Tað gjørdist ein drúgvur dagur í Føroya rætti í gjár. Tríggir av teimum skuldsettu monnunum, ein føroyingur og báðir danirnir, avgjørdu at játta seg treytaleyst sekar, og endaði dagurin tískil við, at teir fingu dóm. </div><div><br></div><div>Føroyingurin, sum játtaði seg sekan, fekk fýra mánaðar fongsulsrevsing, meðan danirnir fyri seks mánaðir hvør. Føroyingurin fekk eina linari revsing, tí hann hevði samstarvað og hjálpt løgregluni at uppklára málið. Teir báðir danirnir noktaðu seg fyrst sekar, men avgjørdi síðani - so hvørt málið varð lagt fram í gjár - at hálsa um og játta seg sekar. </div><div><br></div><div><b>Noktar seg sekan</b></div><div><br></div><div>Hin føroyingurin noktar seg framhaldandi sekan, og er handtøkan er longd trý samdøgur. Sambært narko-løgregluni verður málið framvegis kannað, men enn er eingin annar handtikin í málinum. </div><div><br></div>
