Hvør grýla vilt tú vera?

Nú nærkast føstulávint, og foreldur og børn eru í samráðingum um, hvat tey skulu vera ílatin sum, og ikki minst um, hvussu tey skulu málast. 

Hjálp er nú at fáa í bæði VIT-appini og á VIT-síðuni her á heimasíðu Kringvarpsins. 

Í vetur vóru 20 børn í Sortudíki og vórðu málað um andlitið, tá ið barnaøkið í Kringvarpinum gjørdi 10 partar um andlitsmáling

andlitsmaling_ep_03_ok_0058.jpg

Sanna Hjaltalin Delgado og 10 børn, sum ganga í 5. flokki, málaðu teimum 20 yngru børnunum.

Í sendingunum síggja vit 6-7 ára gomul børn verða málað. Her eru Angry Birds, Hello Kitty, Spiderman, Bambi, sjórænarar og onnur.

andlitsmaling_ep_06_ok_0015.jpg

Tað er stuttligt at síggja, hvussu børnini verða málað, og at øll kunnu vera við, hóast tú ongantíð hevur málað andlit fyrr.

andlitsmaling_ep_03_ok_0058.jpg

Partarnir eru tøkir í VIT-appini og á kvf.fo/VIT.

andlitsmaling_ep_10_0178.jpg

Jonna F. Mortensen og Elin á Rógvi løgdu til rættis. Foto: Jens Jákup Hansen. Sett saman: Jakob Jørgensen.