Neistin sendi H71 út í kuldan

Kvinnurnar hjá Neistanum smurdu H71 av í seinnu hálvfinaluni í steypakappingini um vikuskiftið.

Tær bláu vunnu ikki minni enn 33-24 í Hoyvíkshøllini, og sendu H71, sum vann greipuna í fjør, út í steypamyrkri.

Spenningur var annars undan dystinum. Gamaní hevði Neistin eina trímálsleiðslu við sær frá fyrru hálvfinaluni, men H71 hevur mangan verið sterkt á heimavølli.

Ikki hesa ferð, tó, og tí verður grannauppgerð ímillum Neistan og Kyndil í steypafinaluni.

Hoyvíkshøllin (Faxe-Kondi-kappingin)
H71 - Neistin, 24-33 (9-18)

Toppskjúttar, H71: Anna Elisabeth H. Weyhe 8, Elsa Egholm 7
Toppskjúttar, Neistin: Maria P. Nólsoy 9, Bjørk F. Joensen 7, Sára S. Mikkelsen 5